सुन प्रतितोला ८२ सय र चाँदी ३३५ रुपैयाँले घट्यो, तोलाको कति ?

काठमाडौं । नेपाली बजारमा आज सुनचाँदीको मूल्यमा उच्च गिरावट आएको छ। गत शुक्रबारदेखि ओरालो लाग्न सुरु गरेको सुनको मूल्य साताको पहिलो कारोबार दिन (आइतबार) पनि घटेको हो।

विज्ञापन

नेपाल सुनचाँदी व्यवसायी महासंघका अनुसार आज बजारमा छापावाल सुनको मूल्य प्रतितोला ३ लाख ८ सय रुपैयाँ कायम भएको छ। अघिल्लो कारोबार दिनको तुलनमा आज सुन एकैदिन प्रतितोला ८२ सय रुपैयाँले घटेको हो ।

गत शुक्रबार सुन प्रतितोला ३ लाख ९ हजार रुपैयाँमा कारोबार भएको थियो। दुई दिनको ट्रेन्डलाई हेर्दा नेपाली बजारमा सुनको मूल्यमा उल्लेख्य गिरावट आइसकेको छ।

सुनसँगै आज चाँदीको मूल्यमा पनि गिरावट आएको छ । आज चाँदी प्रतितोला ४ हजार ८९५ रुपैयाँमा कारोबार भइरहेको छ। यसअघि गत शुक्रबार चाँदी प्रतितोला ५ हजार २३० रुपैयाँमा खरिदबिक्री भएको थियो। शुक्रबारको तुलनामा आज चाँदी तोलामा ३३५ रुपैयाँले ओरालो लागेको हो।