काठमाडौं । बैंकर ज्ञानेन्द्र ढुंगाना संयुक्त अरब इमिरेट्स (यूएई) स्थित चर्चित फिनटेक कम्पनी ‘माइ ई–वालेट’ को प्रमुख कार्यकारी अधिकृत (सीईओ) पदमा नियुक्त भएका छन्।
नेपाली बैंकिङ क्षेत्रमा लामो र सफल अनुभव हासिल गरेका ढुंगाना नियुक्तिसँगै यूएईको कुनै पनि फिनटेक (वित्तीय प्रविधि) कम्पनीमा सीईओ पद सम्हाल्ने नेपाली बैंकर समेत बनेका छन् ।
ज्ञानेन्द्र ढुंगाना नेपालको बैंकिङ क्षेत्रमा एक वित्तीय रणनीतिकार र कुशल व्यवस्थापकका रूपमा परिचित छन्। उनले यसअघि नेपालका अग्रणी वाणिज्य बैंकहरू नबिल बैंक, नेपाल बंगलादेश बैंक तथा नेपाल बैंकर्स संघलगायतमा नेतृत्व तहमा बसेर काम गरिसकेका छन् ।
ढुंगानाको कुशल व्यवस्थापकीय क्षमता र बैंकिङ दक्षताले ‘माइ ई–वालेट’ लाई डिजिटल भुक्तानी र वित्तीय प्रविधिको बजारमा नयाँ उचाइमा पुर्याउने विश्वास गरिएको छ।
प्रतिक्रिया दिनुहोस्