काठमाडौं । नवनियुक्त दुई मन्त्रीले पद तथा गोपनियताको शपथ लिएका छन् ।
मंगलबार प्रधानमन्त्री बालेन्द्र शाह (बालेन) को सिफारिसमा राष्ट्रपति रामचन्द्र पौडेलले गृहमा पुनः सुधन गुरुङ र विज्ञान, प्रविधि तथा नवप्रवर्तनमन्त्रीमा स्वतन्त्र सांसद महावीर पुनलाई नियुक्त गरेसँगै शपथ दिलाएका हुन् ।
उनीहरू दुईजनाको शपथ आज पाँच बजे राष्ट्रपतिको कार्यालयमा भएको हो ।
वर्तमान सरकारमै यसअघि गृहमन्त्री रहेका गुरुङको सम्पत्तिमाथि प्रश्न उठाइएपछि उनले पदबाट राजीनामा दिएका थिए। गुरुङको सम्पत्ति छानबिन गर्न सरकारद्वारा गठित समितिले गुरुङलाई सफाइ दिएर प्रधानमन्त्री बालेनलाई प्रतिवेदन बुझाइसकेको सन्दर्भमा आजै मन्त्रिपरिषद् बैठकले उक्त प्रतिवेदन स्वीकारेको थियो। महावीर भने तत्कालीन प्रधानमन्त्री सुशीला कार्की नेतृत्वको अन्तरिम सरकारमा शिक्षामन्त्री थिए। उनी फागुन २१ को निर्वाचनमा म्याग्दीबाट स्वतन्त्र लडेर प्रतिनिधि सभा सदस्यमा निर्वाचित बनेका थिए।
प्रतिक्रिया दिनुहोस्