काठमाडौं । त्रिशूली–३ ‘ए’ जलविद्युत् आयोजनाको सुरुङभित्र फसेकाहरूको खोज तथा उद्धार कार्य हाललाई स्थगित गरिएको छ। सुरुङभित्र थप उद्धार गर्न कठिन भएपछि टोलीले खोजी कार्य रोकेको हो।
शुक्रबार बिहानदेखि उद्धारका लागि नेपाली सेनाका ७५ जना, सशस्त्र प्रहरी बल नेपालका १८ जना तथा नेपाल प्रहरी र विज्ञसहितको संयुक्त टोली परिचालन गरिएको थियो। उद्धार टोलीले सुरुङभित्रबाट दुई जनालाई जीवितै उद्धार गरी थप उपचारका लागि हेलिकप्टरमार्फत श्री वीरेन्द्र अस्पताल, छाउनी ल्याएको थियो। उनीहरूको उपचार भइरहेको छ।
खोज तथा उद्धारका क्रममा सुरुङबाट एक शवसमेत निकालिएको थियो। थप व्यक्तिको खोजी तथा उद्धारका लागि टोली परिचालन गरिएको भए पनि सुरुङभित्रको अवस्थाका कारण उद्धार कार्य कठिन भएपछि हाललाई खोजी स्थगित गरिएको हो।
नेपाल न्यूज बैंक
प्रतिक्रिया दिनुहोस्