Advertisement
Advertisement
Corporate Samachar
२३ कार्तिक २०८३, सोमबार
Advertisement
Advertisement

रास्वपाले आफ्नै केन्द्रीय कार्यालय बनाउन घरजग्गा खोज्दै, माग्यो प्रस्ताव

रास्वपाले आफ्नै केन्द्रीय कार्यालय बनाउन घरजग्गा खोज्दै, माग्यो प्रस्ताव
विज्ञापन
Advertisement

काठमाडौं । राष्ट्रिय स्वतन्त्र पार्टी (रास्वपा) ले आफ्नै स्वामित्वमा स्थायी केन्द्रीय कार्यालय स्थापना गर्न घर वा जग्गा खरिद गर्ने भएको छ। पार्टीले यसका लागि उपयुक्त घर तथा जग्गाधनीसँग प्रस्ताव माग गरेको छ ।

विज्ञापन
Advertisement
Advertisement

पार्टीको बढ्दो सांगठनिक आवश्यकता पूरा गर्न र दीर्घकालीन संस्थागत स्थायित्व कायम गर्न हालको अस्थायी कार्यालय व्यवस्थापनलाई प्रतिस्थापन गरी आफ्नै स्वामित्वको स्थायी संरचनामा केन्द्रीय कार्यालय स्थानान्तरण गर्न लागिएको हो । रास्वपाको २०८३ असोज १७ गतेको केन्द्रीय समिति बैठकले केन्द्रीय कार्यालयका लागि घर वा जग्गा खरिद गर्ने निर्णय गरेको थियो । सोही निर्णयअनुसार पार्टीले घरजग्गा खरिद प्रक्रिया अघि बढाएको पार्टी प्रवक्ता जगदीश खरेलले जानकारी दिए ।

खरेलका अनुसार केन्द्रीय कार्यालयका लागि आवागमनका दृष्टिले सहज, पर्याप्त भौतिक पूर्वाधारयुक्त र कार्यालय सञ्चालनका लागि उपयुक्त वातावरण भएको घर आवश्यक छ । त्यस्तै, कार्यालयको भौतिक संरचना निर्माण गर्न पुग्ने पर्याप्त क्षेत्रफलको जग्गा पनि खरिद गर्न सकिनेछ । उक्त मापदण्ड पूरा गर्ने इच्छुक घरधनी तथा जग्गाधनीलाई सूचना प्रकाशित भएको मितिले २१ दिनभित्र आफ्नो प्रस्ताव पेस गर्न पार्टीले अनुरोध गरेको छ ।

घरजग्गा खरिदसम्बन्धी थप जानकारी, आवश्यक सर्त तथा मापदण्डका लागि पार्टीले उपलब्ध गराएको दस्तावेज डाउनलोड गरी अध्ययन गर्न सम्बन्धित पक्षलाई आग्रह गरिएको छ ।

 

साझा: Facebook X WhatsApp Telegram
कर्पोरेट समाचार

कर्पोरेट समाचार

सबै लेख हेर्नुहोस्
विज्ञापन
Advertisement
Advertisement

Powered By: Nectar Digit