कर्पोरेट समाचार 
बुटवल । महिला दिवसको अवसरमा ह्वायत प्लेस बुटवलले आफ्ना महिला कर्मचारीहरूको समर्पण, नेतृत्व र योगदानप्रति कृतज्ञता व्यक्त गरेको छ।
होटलले एक सन्देश जारी गर्दै महिला कर्मचारीहरूले कार्यस्थलमा ल्याउने सकारात्मक ऊर्जा, प्रतिबद्धता र मेहनतले संस्थाको वृद्धि, सफलता तथा उत्कृष्ट ग्राहक सन्तुष्टिमा महत्वपूर्ण योगदान पुर्याएको जनाएको छ। उत्कृष्ट अतिथि सत्कारदेखि व्यवस्थापन तहसम्म महिला कर्मचारीहरूले खेलेको भूमिकाले होटलको सेवालाई अझ प्रभावकारी र गुणस्तरीय बनाएको होटलले उल्लेख गरेको छ।
होटलका अनुसार कार्यस्थलमा विविधता र समावेशीतालाई प्राथमिकता दिँदै आएको ह्यायत प्लेस बुटवलमा मा हाल ४७ जना महिला कर्मचारी कार्यरत छन्, जुन कुल कर्मचारी संख्याको करिब ३० प्रतिशत हो। यसले महिला सशक्तीकरण र समान अवसरप्रतिको होटलको प्रतिबद्धता झल्काउने व्यवस्थापनको भनाइ छ।
यस अवसरमा होटलमा कार्यरत महिला नेतृत्वकर्ताहरूले पनि आफ्नो अनुभव साझा गरेका छन्। मार्केटिङ म्यानेजर सिम्रन सापकाेटले हायात प्लेस बुटवलले महिलाहरूलाई नेतृत्व गर्न र सिर्जनात्मक विचार अघि बढाउन प्रोत्साहन गर्ने वातावरण प्रदान गर्ने बताइन्। उनका अनुसार सुरक्षित र सहयोगी कार्यवातावरणले महिलालाई आत्मविश्वासका साथ आफ्नो क्षमता प्रदर्शन गर्न प्रेरित गर्छ।
एसोसिएट डाइरेक्टर अफ सेल्स निशा जि.टीले व्यापार तथा सेल्सजस्तो चुनौतीपूर्ण क्षेत्रमा पनि महिला नेतृत्वलाई सम्मान र विश्वास दिइने बताइन्। उनले होटलको समावेशी नीति र महिला–मैत्री कार्यसंस्कृतिले महिलालाई निर्णय प्रक्रियामा सक्रिय भूमिका निर्वाह गर्न सहयोग गरेको उल्लेख गरिन्।
त्यस्तै असिस्टेन्ट फ्रन्ट अफिस म्यानेजर कृति सिंहले अतिथि सत्कार क्षेत्रमा महिलाका लागि सुरक्षा र सहजता महत्वपूर्ण हुने बताउँदै होटलले परिवारजस्तै अपनत्व र सुरक्षित वातावरण प्रदान गरेको बताइन्।
रिक्रिएसन म्यानेजर लाल्टनपुइ ले होटलको कार्यवातावरणले कर्मचारीहरूको शारीरिक तथा मानसिक स्वास्थ्यलाई प्राथमिकता दिने उल्लेख गर्दै व्यवस्थापनले व्यक्तिगत र व्यावसायिक जीवनको सन्तुलनलाई सम्मान गर्ने बताइन्।
होटलले भविष्यमा पनि महिला सशक्तीकरणलाई प्रवर्द्धन गर्दै महिला–मैत्री, सुरक्षित र सम्मानजनक कार्यवातावरण निर्माण गर्न प्रतिबद्ध रहने जनाएको छ।
प्रतिक्रिया दिनुहोस्