काठमाडौं । रास्वपा वरिष्ठ नेता बालेन्द्र शाहले नेपालको संसदीय इतिहासमै सबैभन्दा बढी मतको कीर्तिमान जित दर्ता गरेका छन् । उनले एमाले अध्यक्ष केपी शर्मा ओलीविरुद्ध चुनावी इतिहासकै सबैभन्दा फराकिलो मतान्तरको जित हासिल गर्दै नयाँ इतिहास रचेका छन्।
पूर्वप्रधानमन्त्री समेत रहेका केपी शर्मा ओलीको ‘अजेय’ मानिने झापा क्षेत्र नम्बर ५ मा नेपालको संसदीय इतिहासमै सबैभन्दा बढी ६८,३४८ मत प्राप्त गर्दै बालेनले ओलीलाई ५१,९९८ को फराकिलो मतान्तरले पराजित गरेका हुन्।
यो पराजयसँगै झापामा एमालेको विरासत भत्किएको छ । २०६४ को पहिलो सविधानसभा चुनावमा तत्कालीन नेकपा माओवादीका विश्वदीप लिङ्देनसँग पराजित भएका ओली यसपटक रास्वपाका बालेनसँग दोस्रो पटक पराजित भएका हुन्।
प्रतिक्रिया दिनुहोस्