कर्पोरेट समाचार 
काठमाडौं । डोटी जिल्लामा विद्युत् उत्पादन गरिरहेको सालमनीदेवी हाइड्रोपावर लिमिटेडले सर्वसाधारणका लागि साधारण शेयर निष्कासन गर्ने प्रक्रिया सुरु गरेको छ। कम्पनीले कूल १७ लाख कित्ता शेयर निष्कासन गर्नका लागि लक्ष्मी सन्राइज क्यापिटल लिमिटेडलाई बिक्री प्रबन्धकमा नियुक्त गरेको छ।
आइतबार आयोजित एक कार्यक्रमका बीच दुई कम्पनीबीच शेयर निष्कासन तथा बिक्री प्रबन्ध सम्बन्धी सम्झौता पत्रमा हस्ताक्षर भएको हो। सम्झौता पत्रमा सालमनीदेवी हाइड्रोपावरका तर्फबाट सञ्चालक पेरश दाहाल र लक्ष्मी सन्राइज क्यापिटलका तर्फबाट प्रमुख कार्यकारी अधिकृत विजय लाल श्रेष्ठले हस्ताक्षर गरेका छन् ।
कम्पनीले जारी पुँजीको १७ लाख कित्ता शेयर आयोजना प्रभावित स्थानीय र सर्वसाधारणका लागि बराबर अर्थात् साढे ८ लाख कित्ता शेयर निष्काशन गर्न लागेको हो । यसरी कम्पनीले कुल १७ करोड रुपैयाँ बराबरको १७ लाख कित्ता शेयर (प्रति शेयर अंकित मूल्य १०० रुपैयाँ)मा बजारमा ल्याउने तयारी गरेको छ।
सालमनीदेवी हाइड्रोपावरले सुदूरपश्चिम प्रदेशको डोटी जिल्लामा ३.३३ मेगावाट क्षमताको कापडीगाड जलविद्युत् आयोजना निर्माण गरी सञ्चालन गरिरहेको छ। यो आयोजनाले २०७६ सालदेखि नै व्यापारिक उत्पादन सुरु गरी राष्ट्रिय प्रसारण लाइनमा विद्युत् उपलब्ध गराउँदै आएको छ।
प्रतिक्रिया दिनुहोस्