काठमाडाैं। साताको अन्तिम कारोबार दिन विहिबार शेयर बजारमा दोहोरो अंकले बढेको छ। अघिल्लो दिन उच्च अंकले करेक्सन आएको बजारमा यो दिन १४.२१ अंकले बढेर दुई हजार ९५०.१६ विन्दुमा आइपुगेको हो । नेप्से परिसूचक बढेसँगै कारोबार रकम भने घटेको छ ।
यो दिन ३० करोड ४३ लाख कित्ता शेयर किनबेचहुँदा १३ अर्ब १६ करोड रुपैयाँ कारोबार भएको छ। सर्वाधिक कारोबार हुने कम्पनीमा एनआरएन इन्फाष्ट्रक्चर एण्ड डेभलपमेन्ट,एसवाई प्यानेल, नेशनल हाइड्रो पावर कम्पनी, रिडी पावर कम्पनी,न्यादी ग्रुप पावर कम्पनीको शेयर मूल्य ४१ करोड २४ लाख रुपैयाँदेखि ९४ करोड २९ लाख रुपैयाँसम्मको कारोबार भएको छ ।
रिलायन्स स्पेनिङ मिल्स,सुपरखुदी हाइड्रोपावर,होटल फरेक्ट इन,सोलु हाइड्रो पावर कम्पनीको करिब १० प्रतिशतले बढेर सकारात्मक सर्किट नै लागेको छ । यो दिन पञ्चकन्या माई हाइड्रोपावर, सिन्धु विकास बैंक,कर्पोरेट डेभलपमेन्ट बैंक, विशाल बजार कम्पनीको शेयर मूल्य ३.०४ प्रतिशतदेखि ७.४८ प्रतिशतसम्मले घटेको छ ।
प्रतिक्रिया दिनुहोस्