काठमाडौंमा बीवाईडी हाई-टेक : भविष्यको स्मार्ट मोबिलिटीको झलक

काठमाडौं  । विद्युतीय सवारी निर्माणमा अग्रणी कम्पनी बीवाईडीले नेपालमा पहिलो पटक हाई-टेक विक आयोजना गर्दै स्मार्ट मोबिलिटी र अत्याधुनिक प्रविधिको भविष्यमै क्रान्तिकारी परिवर्तन ल्याउने संकेत दिएको छ। फागुन १५ देखि १८ गतेसम्म काठमाडौंको बानेश्वरस्थित एभरेस्ट होटल परिसरमा आयोजना भइरहेको बीवाईडी हाई-टेक विकले नवीनतम ईभी (इलेक्ट्रिक भेहिकल) प्रविधि, टिकाउ सवारी साधन र अगाडि आउने प्रविधिहरूको प्रत्यक्ष अनुभव दिने अवसर प्रदान गरिरहेको छ।

सशक्त गाडी र उन्नत प्रविधिको संगम

नेपालका लागि बीवाईडीको आधिकारिक वितरक साइमेक्स इंकका अनुसार यो इभेन्टले विद्युतीय सवारीको प्रविधि, दिगोपन, कार्यक्षमता र सुरक्षा प्रणालीलाई अझ स्पष्ट पार्नेछ। कार्यक्रम उद्घाटन गर्दै साइमेक्स इंककी प्रबन्ध निर्देशक यमुना श्रेष्ठले हाई-टेक विक नेपालका लागि विशेष महत्त्व राख्ने   जानकारी दिइन् । उनले भनिन्,’ BYD नेपालको प्रतिबद्धता केवल प्रविधि प्रदर्शनमा सीमित छैन, बरु दिगो नेपाल निर्माण गर्ने हाम्रो साझा यात्रामा बलियो कदम हो।’

प्रदर्शनीमा रहेका प्रमुख गाडीहरू

डेन्जा डी९ – अत्याधुनिक मल्टिपर्पज भेहिकल (MPV)

बीवाईडी सार्क ६ – लक्जरी स्मार्ट अफरोड पिकअप

डेन्जा जेड ९ जीटी – टेक्नोलोजी मार्भलको परिकल्पना

बाओ ५ – डीएमओ सुपर हाइब्रिड अफरोड प्लेटफर्म

याङवाङ यू८ – भविष्यको इन्टेलिजेन्ट सस्पेन्सन गाडी

स्मार्ट टेक्नोलोजी र इनोभेसन

 

 

 

 

बीवाईडी हाई(टेक विकमा विश्वकै अत्याधुनिक ईभी प्लेटफर्म ३.० र ई४ प्रविधि आधारित गाडीहरू प्रस्तुत गरिएका छन्। बीवाईडीको चर्चित ब्लेड ब्याट्री टेक्नोलोजी, डिसस इन्टेलिजेन्ट बडी कन्ट्रोल सिस्टम, ड्युअल मोड अफरोड (DMO र फ्युचर इन्टेलिजेन्ट सस्पेन्सन सिस्टम प्रदर्शनीका आकर्षण हुन्।

त्यसैगरी, एड्भान्स्ड ड्राइभर असिस्टेन्स सिस्टम (ADAS) र इन-कार एआई इनोभेसन प्रविधि सम्बन्धी प्रत्यक्ष जानकारी तथा डेमो उपलब्ध छ। बीवाईडीले नयाँ पुस्ताका स्मार्ट भेहिकलहरू प्रदर्शन गर्दै नेपालको विद्युतीय सवारी भविष्यबारे छलफल गर्न उद्योगका विशेषज्ञहरूलाई पनि संलग्न गराएको छ।

इनोभेसन, जनचेतना र भविष्य

चार दिने कार्यक्रमको क्रममा विद्युतीय सवारी साधनको ग्लोबल ट्रेन्ड, एनईभी (नयाँ ऊर्जा वाहन) टेक्नोलोजी र हरित भविष्यबारे उद्योग विज्ञ, इन्जिनियर तथा सस्टेनेबिलिटी एड्भोकेटहरूसँग विशेष टक शो र प्यानल डिस्कसनहरू पनि आयोजना गरिएका छन्। बीवाईडी हाई-टेक विक २०२५ को प्रमुख उद्देश्य विद्युतीय सवारी प्रविधिमा जनचेतना अभिवृद्धि गर्ने, नवप्रवर्तनलाई प्रोत्साहन गर्ने र नेपालमा हरित तथा दिगो मोबिलिटीको यात्रालाई तीव्रता प्रदान गर्ने रहेको छ। नेपालजस्तो विद्युत ऊर्जा उत्पादनमा आत्मनिर्भर हुँदै गएको मुलुकका लागि यो इभेन्टले विद्युतीय सवारी प्रविधि र हरित यातायातको सम्भावनालाई नयाँ उचाइमा पुर्‍याउने आशा गरिएको छ।

 

प्रतिक्रिया दिनुहोस्