कर्पोरेट समाचार 
काठमाडौं । तीन मन्त्रालयको जिम्मेवारी सम्हाल्दै आएका मन्त्री कुलमान घिसिङले राजीनामा दिएका छन् ।
ऊर्जा, जलस्रोत, भौतिक पूर्वधार तथा शहरी विकासमन्त्री कुलमान घिसिङले बुधबार राति प्रधानमन्त्री सुशीला कार्कीलाई भेटेर राजीनामा बुझाएका हुन्।
राजीनामा बुझेपछि प्रधानमन्त्री कार्कीले घिसिङलाई खादा लगाएर बिदाइ गरेकी छन् । घिसिङ गत भदौ ३० गते कार्की नेतृत्वको मन्त्री परिषद्मा सामेल भएका थिए ।
अन्तरिम सरकारमा तीन मन्त्रालयको जिम्मेवारी सम्हाल्दै आएका घिसिङ पछिल्लो समय खुलेरै राजनीतिमा लागेका थिए । उनी रास्वपामा लागेपछि सरकार छोड्न चौतर्फी दबाब बनेको थियो । यसैबीच मंगलबारको मन्त्रिपरिषद् बैठकमा समेत प्रधानमन्त्रीले राजनीतिमा लाग्ने भए मन्त्रीहरुले राजिनामा दिनुपर्ने बताएकी थिइन् ।
झन्डै चार महिनासम्म तीन मन्त्रालयको जिम्मेवारी सम्हालेका उनले आज राजीनामा दिएर खरलेरै राजनीतिमा आउने प्रस्ट संकेत गरेका छन् ।
प्रतिक्रिया दिनुहोस्