कर्पोरेट समाचार 
काठमाडौं । प्राइम कमर्सियल बैंक लिमिटेडको १८ औं वार्षिक साधारणसभाबाट शेयरधनिलाई आठ प्रतिशत बोनस शेयर दिने प्रस्ताव पारित भएको छ ।
प्राइम कमर्सियल बैंक लिमिटेडको १८ औं वार्षिक साधारणसभा बैंक सञ्चालक समितिका अध्यक्ष राजेन्द्रदास श्रेष्ठको अध्यक्षतामा आज सम्पन्न सभाले सञ्चालक समितिले सिफारिस गरे बमोजिम आर्थिक वर्ष २०८१/८२ को मुनाफाबाट आफ्ना शेयरधनीहरुलाई ८ (आठ) प्रतिशत बोनस शेयर तथा चुक्ता पूँजीको ०.४२१ प्रतिशत नगद लाभांश, बोनस शेयरको कर प्रयोजनको लागि दिने निर्णयलाई अनुमोदन गरेको हो ।
यसैगरी, सभाले बैंक सञ्चालक समितिमा सर्वसाधारण शेयर धनीहरुको तर्फबाट सञ्चालक पदमा वरिष्ठ आर्थिक पत्रकार डा. गजेन्द्र विष्टलाई निर्विरोध चयन गरेको छ । डा.विष्ट यस अघि पनि बैंकको सञ्चालक थिए ।
साधारणसभामा अध्यक्ष श्रेष्ठले आगामी दिनहरुमा पनि बैंकको सेवा र शाखाहरुको सञ्जाल विस्तार गर्दै आफ्ना शेयरधनीहरुलाई यथोचित र समय सापेक्ष प्रतिफलको निरन्तरता दिने तथा ग्राहक केन्द्रित डिजिटल समाधान मार्फत बैंकको सेवा आधुनिक र सरल बनाउने प्रतिवद्धता व्यक्त गरेको कम्पनी सचिव सन्तोष बरालले जानकारी दिए ।
प्रतिक्रिया दिनुहोस्