काठमाडौं । कृषि तथा पशुपन्छी विकासमन्त्री रामनाथ अधिकारीले कृषिमा भएको लगानीको प्रतिफल नतिजामुखि हुनुपर्ने बताएका छन् ।
मन्त्रालयमा आज आयोजित मन्त्रालयस्तरीय विकास समस्या समाधान समितिको बैठकमा मन्त्री अधिकारीले लगानीको प्रतिफल वबना उपलब्धी नदेखिने भएकाले यसलाई आधार मानेर कार्य गर्न सम्बन्धित निकायलाई निर्देशन दिएका हुन् ।‘हामी संग विज्ञहरुको खाँचो छैन , लामो समय कृषि क्षेत्रमा कार्य गरेका दक्ष जनशक्ति मन्त्रालय संग छ । तथापी नतिजा आउन सकिरहेको छैन । चार्टले प्रगति देखाउन सकिरहेको छैन,’ मन्त्री अधिकारीले भने ।
उनले भने, ‘कृषिमा लागेकालाई हामीले के दियौं यहि सोचेर कार्य गर्न जरुरी छ’ मन्त्री अधिकारीले भने । कानुनी अवरोध हटाउदै नतिजामुखी कार्य गर्न आफुले सहजीकरण गर्ने भन्दै मन्त्री अधिकारीले अझै बढि क्रियाशिलता देखाए मात्र कृषि क्षेत्रमा लिइएका लक्ष्य पुरा हुने उल्लेख गरे ।
प्रतिक्रिया दिनुहोस्