काठमाडौं । नेपाल माइक्रो इन्स्योरेन्सका प्रमुख कार्यकारी अधिकृत (सीईओ) मृगेन्द्रनाथ रिमाल पक्राउ परेका छन् ।
बीमा ऐन, २०७९ र धितोपत्र सम्बन्धी ऐन, २०६३ अन्तर्गतको कसूरमा अनुसन्धानका लागि उनलाई नेपाल प्रहरीको केन्द्रीय अनुसन्धान ब्यूरो (सीआईबी) ले पक्राउ गरेको हो ।
सीआईबीका अनुसार रिमाललाई बिहीबार काठमाडौं महानगरपालिका–७ सिफल क्षेत्रबाट पक्राउ गरिएको हो । उनी नेपाल बीमा प्राधिकरण र नेपाल धितोपत्र बोर्डको पत्र जाहेरीका आधारमा नेपाल सरकार वादी र दिपक भट्टसमेत प्रतिवादी रहेको मुद्दामा फरार रहेका थिए।
रिमालविरुद्ध बीमा ऐन, २०७९ तथा धितोपत्र सम्बन्धी ऐन, २०६३ अन्तर्गतको कसूरमा मुद्दा अघि बढाइएको छ । जिल्ला अदालत, बबरमहलमा मुद्दा दायर भएपछि रिमाल नेपाल माइक्रो इन्स्योरेन्सको सीईओ पदबाट निलम्बनमा परेका थिए। सीआईबीले घटनाबारे थप अनुसन्धान अघि बढाइने जनाएको छ।
प्रतिक्रिया दिनुहोस्