काठमाडौं । साताको पहिलो कारोबार दिन नेपाली बजारमा सुनको मूल्य बढेर हालसम्मकै उच्चबिन्दुमा पुगेको छ। आइतबार सुनको मूल्य तोलामा १ हजार रुपैयाँले बढेर हालसम्मकै महंगो मूल्यमा कारोबार भैरहेको नेपाल सुनचाँदी व्यवसायी महासंघले जनाएको छ ।
आज सुन प्रतितोला १ लाख ८६ हजार रुपैयाँ कायम भएको छ । अघिल्लो कारोबार दिन (शुक्रबार) सुनको मूल्य तोलामा १ लाख ८५ हजार रुपैयाँ कायम थियो ।
अन्तर्राष्ट्रिय बजारमै सुनको मूल्य वृद्धि भइरहेकाले स्थानीय बजारमा पनि त्यसको प्रभाव देखिएको हो ।
यस्तै, आज चाँदीको मूल्य पनि बढेको छ । शुक्रबार तोलामा १ हजार ९०५ रुपैयाँ कायम भएको चाँदीको मूल्य आइतबार बढेर तोलामा १ हजार ९६० रुपैयाँ पुगेको महासंघले जनाएको छ ।
प्रतिक्रिया दिनुहोस्