काठमाडौँ । आज सेयर बजार दोहोरो अंकले बढेको छ । नेपाल स्टक एक्सचेन्ज (नेप्से) परिसूचक २४ दशमलव ५० अंकले बढेर कारोबार २६५७ दशमलव ७७ बिन्दुमा पुगेर रोकियो ।
मंगलबार ३२५ कम्पनीको १ करोड ९६ लाख कित्ता सेयर किनबेच हुँदा ९ अर्ब ४० करोड रुपैयाँ बढीको कारोबार भएको छ । १७७ कम्पनीको सेयर मूल्य बढ्दा ६० कम्पनीले आफ्नो सेयर मूल्य गुमाएका छन् । ६ कम्पनीको सेयर मूल्यमा भने कुनै परिवर्तन भएन । आज कारोबारमा रहेका सबै १३ समूहको समूहगत परिसूचक बढेको छ । सबैभन्दा धेरै विकास बैंक क्षेत्रको परिसूचक ४ दशमलव ७ प्रतिशतले बढेको हो ।
आज सबैभन्दा धेरै कारोबार गरेको सप्तकोशी डेभलपमेन्ट बैंकको ३८ करोड रुपैयाँ बढीको कारोबार भएको नेप्सेले जनाएको छ । यसैगरी, नेपाल रिइन्स्योरेन्स कम्पनीको २९ करोड, एनआरएन इन्फ्राइस्ट्रक्चर एन्ड डेभलपमेन्टको २८ करोड, हिमालयन पावर पार्टनरको १९ करोड र न्यादी ग्रुप पावरको १७ करोड रुपैयाँ बढीको कारोबार भएको छ ।
समग्रमा ६० कम्पनीको सेयर मूल्य घटेको छ । ६ कम्पनीको सेयर मूल्य स्थिर छ । उपकार लघुवित्त, सिक्लेस हाइड्रोपावर, थ्री स्टार हाइड्रो र जानकी फाइनान्सको सेयर मूल्य १० प्रतिशतले बढेको छ । सबैभन्दा धेरै डोल्टीपावर कम्पनीको सेयर मूल्य ८ दशमलव ४३ प्रतिशतले घटेको छ ।
प्रतिक्रिया दिनुहोस्