कर्पोरेट समाचार 
काठमाडौं । संकटा क्लबलाई हराउँदै त्रिभुवन आर्मी क्लब जारी केपी ओली कप फुटबल प्रतियोगिताको फाइनलमा प्रवेश गरेको छ ।
दशरथ रंगशालामा शुक्रबार साँझ भएको पहिलो सेमिफाइनलमा संकटालाई २–१ गोलले पराजित गर्दै आर्मीले फाइनलमा स्थान सुरक्षित गरेको हो ।
आर्मीको जितमा नवयुग श्रेष्ठ र दिनेश हेम्जनले समान एकएक गोल गरे । नवयुगले खेलको ७औं मिनेटमा गोल गर्दै आर्मीलाई पहिलो अग्रता दिलाएका थिए । यस्तै, खेलको ६५औं मिनेटमा हेम्जनले थप एक गोल गर्दै आर्मीको अग्रता दोब्बर बनाए । संकटाका लागि विसन गुरुङले इन्जुरी समयमा एक गोल फर्काए।
प्रतियोगिताको दोस्रो सेमिफाइनलमा भोलि आयोजक केपी एफसी र मछिन्द्र एफसीबिच प्रतिष्पर्धा हुनेछ । फाइनल खेल यही फागुन १९ गते हुनेछ । जारी प्रतियोगितामा ९ टोलीले सहभागिता जनाएका छन् ।
फागुन १९ गतेसम्म चल्ने उक्त प्रतियोगिताको विजेताले १५ लाख ११ हजार ११ हजार १११ रुपैयाँ र उपविजेताले ५ लाख रुपैयाँ पाउनेछन् ।
फाइनल खेलमा अवलोकन गर्न इटालीलाई विश्वकप जिताएका गोलकिपर जियानलुजी वुफोन नेपाल आउने राष्ट्रिय युवा संघ नेपालका उपाध्यक्ष एवम् प्रवक्ता कृष्णहरि केसीले जानकारी दिए ।
प्रतिक्रिया दिनुहोस्