काठमाडौं । ललितपुरको एकान्त कुनामा इभेन्ट भेन्यू ‘म्याजेस्टिक ग्र्यान्ड’ सञ्चालनमा आएको छ। २० रोपनी क्षेत्रफलमा फैलिएको यस भेन्यूमा ‘म्याजेस्टिक ग्र्यान्ड’ र ‘म्याजेस्टिक क्राउन’ दुईवटा आकर्षक इभेन्ट हल रहेका छन्।
विवाह, ब्रतबन्ध, म्युजिकल कन्सर्ट, फेसन सो, प्रडक्ट लञ्ज, विश्वविद्यालयहरूको ग्र्याजुएसन कार्यक्रम तथा एकसाथ धेरै जना उपस्थित हुनुपर्ने गोष्ठी र सेमिनारलाई लक्षित गरेर म्याजेस्टिक ग्र्यान्ड सञ्चालनमा ल्याइएको हो ।
यो भेन्यूमा कुनै पनि कार्यक्रम आयोजना गर्दा अन्तर्राष्ट्रियस्तरका लेटेस्ट प्रविधिको साउन्ड सिस्टम, लाइट, विशाल स्क्रिनलगायत इभेन्टका लागि आवश्यक पर्ने हरेक सामग्री म्याजेस्टिक ग्र्यान्डमा जडान गरिएको हुँदा बाहिरबाट कुनै सामग्री ल्याएर सेटअप गरिहनुपर्दैन ।
‘म्याजेष्टिक ग्र्यान्डमा इभेन्ट गर्नेहरूलाई उत्कृष्ट अनुभव हासिल गराउन हामीले भरमग्दुर प्रयास गरेका छौँ, सञ्चालक सुरज कार्की भन्छन्, ‘म्याजेष्टिक ग्र्यान्ड’ लाई नामजस्तै भव्य बनाउन यसको निर्माण र सजवाटमा विशेष ध्यान दिइएको छ।’ डेस्टिनेसन वेडिङका लागि म्याजेष्टिक ग्र्यान्ड उत्कृष्ट भेन्यू रहेको सञ्चालक कार्की बताउँछन्। नयाँ पुस्ताको सोच र थिम अनुसार भेन्यू तयार गरिएकाले धेरैको रोजाई पर्ने विश्वास उनको छ ।
१४ हजार र १० हजार वर्ग स्क्वायर फिट इनडोर हल भएको यो ब्यांक्वेटको गार्डेन एरियाको क्षेत्रफल २५ हजार वर्ग स्क्वायर फिटमा छ ।
म्याजेष्टिक ग्र्यान्डको कन्सेप्ट, डिजाइन र निर्माण आरजी क्रियसन्स नेपालले गरेको हो। उत्कृष्ट इभेन्ट भेन्यू निर्माणका लागि कम्पनी खोज्ने क्रममा आरजी क्रियसन्स्सँग भेटघाट भएको र कम्पनीको कन्सेप्ट र डिजाइन अब्बल लागेर निर्माणको जिम्मा दिइएको सञ्चालक कार्कीले बताए। ‘मैले धेरै वटा कम्पनीसँग कुरा गरेँ तर आरजी क्रियासन्सले जुन डिजाइन र कन्सेप्ट प्रस्ताव गर्यो त्यो निकै राम्रो थियो,’ कार्कीले भने ।
म्याजेष्टिक ग्र्यान्डमा प्रयोग गरिएका थिम निकै युनिक र अत्याधुनिक छन्। यसमा प्रयोग गरिएका विशाल स्क्रिन, लाइटिङ सिस्टम, फर्निचर, गार्डेन एरियामा गरिएको सजावटले यसको भव्यता जो कोहीले महसुस गर्न सक्छन्। ‘म्याजेष्टिक ग्र्यान्ड’ को भव्यता र यसको सर्भिस पाँच तारे होटलको भन्दा पनि उत्कृष्ट रहेको सञ्चालक कार्कीले जानकारी दिए । सुलभ मूल्यमा पाँच तारे होटलको भन्दा उत्कृष्ट सेवा प्रदान गरिरहेको सञ्चालक कार्की बताउँछन्।
एकान्तकुना चोकबाट सातदोबाटो तिर लागेपछि केही मिटरको दुरीमा रिङ रोडको सर्भिस लेनमै जोडिएको यो भेन्यूमा पर्याप्त पार्किङको सुविधा उपलब्ध छ ।
यहाँ तीन सय वटा चार पाङ्ग्रे सवारी साधन र पाँच सय वटा मोटरसाइकल सहज ढंगले पार्किङ गर्न सकिने पार्किङ स्थल रहेको छ। लोकेसनका हिसाबले जुनसुकै स्थानबाट पनि सहज ढंगले म्याजेष्टिक ग्र्यान्ड पुग्न सकिन्छ।
म्याजेष्टिक ग्र्यान्डको डिजाइन तथा निर्माण गरेको कम्पनी आरजी क्रियसन्स् नेपालका अध्यक्ष राम गिरी भने आफूले निर्माण गर्ने हरेक इभेन्ट भेन्यू ‘मास्टर पिस’ हुने गरी नै सम्पन्न गरिएको बताउँछन्। ‘म कुनै पनि निर्माणलाई भव्य, आकर्षक र सुन्दर बनाउन चाहिने ‘कन्टेन्ट’ के के हुन् सक्छन्, तिनको पर्याप्त रिसर्च गरेरमात्र अप्लाई गर्छु, अध्यक्ष गिरीले भने ‘जसका कारण आरजी क्रियसनले डेभलप गरेका प्रोजेक्टहरू अन्यभन्दा भिन्न र आकर्षक हुन्छन्।’
पाँचतारे होटलमा भन्दापनि अब्बल इन्टेरियर सामग्री प्रयोग गरेर निर्माण गरिएको म्याजेष्टिक ग्र्यान्ड आरजी क्रियसन्सका लागि समेत गर्व गर्न लायकको इभेन्ट भेन्यू बनेको अध्यक्ष गिरीले धारणा राखे ।
‘हामी निर्माणका लागि सम्बन्धित पक्षसँग सम्झौता गरिसकेपछि निर्माण स्थलको लोकेसन, जग्गाको बनोट, निर्माण लागत आदि सबै अध्ययन गरेर सोही अनुसार स्ट्रक्चर र इन्टेरियरको प्लान गर्छौं, अध्यक्ष गिरीले भने, ‘आरजी क्रियसन्स्ले ब्यांक्वेटमा प्रयोग गरिने सामग्री ‘कस्टमाइज’ गरेर आफैँ विदेशबाट आयत गर्ने गरेको छ।’
‘म्याजेष्टिक ग्र्यान्ड’ मा प्रयोग गरिएका फर्निचर, लाइट, डेकोरेसनका हरेक सामग्री नेपालका कुनै होटल तथा ब्यांक्वेटमा प्रयोग नभएका गरिएको छ’, अध्यक्ष गिरीले भने, ‘आफ्नो आवश्यकता र स्पेस अनुसारको साइजमा फ्युजन गरेर इन्टेरियर सामग्री अर्डर गरी आयत गरिने भएकोले अरुभन्दा भिन्न हुने गरेको उनले बताए।
करिब चार हजार जनासम्मको पार्टी आयोजना गर्न सकिने गरी म्याजेष्टिक ग्र्यान्ड तयार गरिएको छ। ग्राहकको बजेटअनुसार सिल्भर, गोल्ड तथा डाइमन्ड गरेर तीन किसिमको खानाको मेनु तय गरिएको छ। आफ्नो बजेटअनुसार मेनु छनोट गर्न सकिन्छ। विवाहका लागि चाहिने पुरोहितदेखि गाडी, बग्गी, बाजा, फोटोग्राफी, भिडियोग्राफी, गाडी डेकोरेसनलगायत सम्पूर्ण प्याकेज सुविधा उपलब्ध रहेको सञ्चालक कार्कीले बताए ।
प्रतिक्रिया दिनुहोस्