काठमाडौं । आर्क्स ग्रुपले नेपालमा जुबाओ विद्युतीय भ्यान भित्र्याएको छ । कम्पनीले भित्र्याएका १४ सिटे विद्युतीय भ्यानप्रति व्यवसायीको आकर्षण बढेको जनाएको छ ।
आर्क्स ग्रुपले सोमबार एक कार्यक्रमकाबीच स्वयम्भू हारती टुर्स एण्ड ट्राभल्स प्रालिलाई १८ थान जुबाओ भ्यान हस्तान्तरण गरेको छ ।
जुबाओ ईभी थ्यान चीनको एफएडब्लू जिलिन् कम्पनीद्वारा उत्पादन गरिएको अत्याधुनिक इलेक्ट्रिक गाडी हो । जुबाओका भ्यान विशेषगरी समूह यात्रा, शटल सेवा र व्यावसायिक यातायातका लागि उपयुक्त रहेको कम्पनीले उल्लेख गरेको छ ।
आर्क्स ग्रुपद्वारा नेपाली बजारमा उपलब्ध गराउँदै आएको यो भ्यान हरित र दिगो यातायातको उत्कृष्ट विकल्प बन्ने अपेक्षा गरिएको छ ।
प्रतिक्रिया दिनुहोस्