काठमाडौं । नेपाली बजारमा बिहीबार पनि सुन–चाँदीको मूल्य उकालो लागेको छ । नेपाल सुनचाँदी व्यवसायी महासंघका अनुसार आज बुधबारको तुलनामा सात सय रूपैयाँ बढेको सुन प्रतितोला दुई लाख ६० हजार चार सय रूपैयाँमा किनबेच भइरहेको छ।
बुधबार एक तोला सुनको मोल दुई लाख ५९ हजार सात सय रूपैयाँमा खरिदबिक्री भएको थियो। यसअघि गत मंसिर २९ गते (सोमबार) सुन प्रतितोला २ लाख ६० हजार ७ सय रुपैयाँ पुगेर हालसम्मकै उच्च मूल्यको रेकर्ड बनाएको थियो ।
यस्तै, आज चाँदीको मूल्य हालसम्मकै उच्च विन्दुमा पुगेको छ। बुधबार तोलामा चार हजार ५५ रूपैयाँ पुगेर कीर्तिमान कायम भएको चाँदीको भाउ आज २५ रुपैयाँले बढेको छ । मूल्य बढेसँगै बिहीबार चाँदी प्रतितोला चार हजार ८० रूपैयाँ पुगेर हालसम्मकै महँगो बनेको हो ।
अन्तर्राष्ट्रिय बजारमा आज सुन प्रतिऔंस ४ हजार तीन सय ३३ अमेरिकी डलरमा कारोबार भइरहेको छ।
प्रतिक्रिया दिनुहोस्