काठमाडौं । प्रधानमन्त्री कार्यालयले निवर्तमान गृहमन्त्री सुधन गुरुङको आजै शपथ गराउने तयारी गरिरहेको विवरणहरू सार्वजनिक भए पनि राष्ट्रपति कार्यालयले भने यसबारे कुनै औपचारिक पत्र प्राप्त नभएको प्रस्ट पारेको छ ।
मंगलबार राष्ट्रपति कार्यालयका सहसचिव एवं प्रवक्ता रितेशकुमार शाक्यले गृहमन्त्रीको शपथका लागि प्रधानमन्त्री कार्यालयबाट कुनै औपचारिक पत्र नआएको र शीतल निवासमा शपथको कुनै तयारी नभएको जानकारी दिएका हुन् ।
प्रवक्ता शाक्यले भने, ‘हामीलाई गृहमन्त्री र नयाँ मन्त्रीलाई शपथ गराउने बारे प्रधानमन्त्री कार्यालयबाट दिनको १ बजेसम्म कुनै पत्र आएको छैन ।’ ३ बजे शपथको चर्चा छनि भन्ने कर्पोरेट समाचारको प्रश्नमा प्रवक्ता शाक्यले भने, ‘ पत्र नआएकाले हामीले कुनै तयारी पनि गरेका छैनौं ।’
यसअघि, प्रधानमन्त्री बालेन शाहले प्रतिनिधिसभा सदस्य सुधन गुरुङलाई पुनः गृहमन्त्री र स्वतन्त्र सांसद महावीर पुनलाई विज्ञान, प्रविधि तथा नवप्रवर्तन मन्त्रीमा नियुक्त गर्न राष्ट्रपति रामचन्द्र पौडेलसमक्ष सिफारिस गरेको र उनीहरूको शपथ आजै दिउँसो ३ बजे हुने तयारी रहेको विवरणहरू बाहिरिएका थिए । तर, राष्ट्रपति कार्यालयले आधिकारिक रूपमा पत्र नआएसम्म शपथको कुनै कार्यक्रम तय नभएको जनाएको छ।
प्रतिक्रिया दिनुहोस्