काठमाडौं। कीर्तिपुर नगरपालिका–१ ट्याङ्लाफाँटमा रोकिराखिएको एक कारमा आगलागी हुँदा चालकको मृत्यु भएको छ। बा५च ३०३८ नम्बरको कारमा सोमबार आगलागी भएको थियो।
प्राप्त प्रारम्भिक जानकारीअनुसार कारभित्र सिटबेल्ट लगाएकै अवस्थामा रहेका चालकको जलेर मृत्यु भएको हो। आगलागीको कारण भने खुल्न सकेको छैन।
स्थानीयवासीले कारबाट धुवाँ र आगो निस्किएको देखेपछि प्रहरी र दमकललाई खबर गरेका थिए। आगो नियन्त्रणमा आएपछि कारभित्र एक जनाको शव फेला परेको प्रहरीले जनाएको छ।
मृतकको पहिचान तथा घटनाको विस्तृत विवरण सार्वजनिक हुन बाँकी रहेको छ। आगलागी कसरी भयो, कारमा प्राविधिक समस्या थियो वा अन्य कुनै कारणले घटना भएको हो भन्ने विषयमा प्रहरीले अनुसन्धान सुरु गरेको जनाएको छ।
घटनाबारे थप विवरण आउन बाँकी रहेको प्रहरीले जनाएको छ।
प्रतिक्रिया दिनुहोस्