काठमाडौं । नेपाल हस्तकला महासङ्घले विभिन्न क्षेत्रमा आबद्ध २२ महिला उद्यमीलाई सम्मान गरेको छ । महासङ्घले आज एक कार्यक्रमको आयोजना गरी नेपाल पश्मिना इण्डष्ट्रिकी सञ्चालक लालु श्रेष्ठसहित २२ महिला उद्यमीलाई सम्मान गरेको हो ।
सम्मानित हुनेमा अञ्जना ताम्रकार, रत्नेश्वरी श्रेष्ठ, अरुणा शाक्य, रुकमणिदेवी श्रेष्ठ, दिव्यतारा तुलाधर, अरुणा लाकोल, रोशनी तुलाधर, रामकली खड्का, शान्ति बैद्य, मिलु थापा, सङ्गीता पन्त, गङ्गा छन्त्याल रहेका छन् ।
त्यस्तै, धनमाया शाक्य, अनुजा बुढाथोकी, कमला श्रेष्ठ, मञ्जु शाक्य, इन्दिरा सापकोटा, उर्मिला श्रेष्ठ, सविता सुवेदी, मिला शर्मा र सुमान्जली शाक्य सम्मानित भएका छन् । उनीहरुलाई बागमती प्रदेशका मुख्यमन्त्री किरण थापामगर, ललितपुर महानगरपालिकाकी उपप्रमुख मञ्जली शाक्य बज्राचार्य, महासङ्घका अध्यक्ष रवीन्द्र शाक्यले सम्मान गरे ।
कार्यक्रममा बागमती प्रदेशका मुख्यमन्त्री किरण थापामगरले नेपालको आर्थिक क्षेत्रको विकासमा महिला उद्यमीले खेलेको भूमिका प्रशंसनीय रहेको बताए। उनले हस्तकला क्षेत्रको विकासमा बागमती प्रदेश सधैँ सकारात्मक रहेको उल्लेख गरे ।
नेपाल हस्तकला महासङ्घका अध्यक्ष रवीन्द्र शाक्यले धेरै निर्यातकर्ता र उत्कृट उद्यमी, उत्कृष्ट कलाकारलाई सम्मान गर्दै आएपनि महिला उद्यमीलाई भने पहिलोपटक सम्मान गर्न पाएकोमा खुशी लागेको बताए ।
महासङ्घकी उपाध्यक्ष एवम् कार्यक्रमकी संयोजक सविता सिंह महर्जनले मुलुकको हस्तकला क्षेत्रको विकासमा महिला उद्यमीले खेलेको भूमिका महत्वपूर्ण रहेको बताए । विसं २०२९ मा स्थापना भएको महासङ्घका हाल चार हजार ५०० सदस्य छन् । तीमध्ये एक हजार ५०० क्रियाशील सदस्य छन् ।
प्रतिक्रिया दिनुहोस्