बाँके: बाँकेको जानकी गाउँपालिका–५, बकसपुरस्थित अम्बे स्टिल सरिया उद्योगमा आगलागी हुँदा करिब एक करोड ५६ लाख रुपैयाँ बराबरको आर्थिक क्षति भएको छ।
बिहीबार बिहान करिब १ः३० बजे उद्योग परिसरमा रहेको फर्नेस आयल भण्डारण ट्याङ्कीमा आगो लागेको हो। विद्युत् लाइनमा सर्ट सर्किट हुँदा आगलागी भएको जिल्ला प्रहरी कार्यालय बाँकेले जनाएको छ।
जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक (डीएसपी) प्रतीतसिंह राठौरका अनुसार आगलागीबाट भएको क्षतिको प्रारम्भिक विवरणमा एक करोड ५६ लाख रुपैयाँ बराबरको नोक्सानी देखिएको छ।
घटनाको सूचना प्राप्त हुनासाथ इलाका प्रहरी कार्यालय खजुराखुर्दबाट प्रहरी टोली घटनास्थलमा परिचालन गरिएको थियो।
नेपाल प्रहरी, स्थानीय बासिन्दा र दमकलको संयुक्त प्रयासमा आगलागी करिब एक घण्टाभित्र पूर्ण रूपमा नियन्त्रणमा ल्याइएको डीएसपी राठौरले जानकारी दिएका छन्।
प्रतिक्रिया दिनुहोस्