काठमाडौं । सिटिजन्स बैंक इन्टरनेसनलको १९९औं शाखा ललितपुरको हरिसिद्धीमा विस्तार गरेको छ । यससँगै काठमाडौं उपत्यकाभित्र बैंकको ४० वटा शाखाहरु र बागमती प्रदेशमा ५६ वटा शाखाहरु सञ्चालनमा आएका छन्। आइतबार हरिसिद्धीमा बैंक संचालक समितिका अध्यक्ष प्रबल जंग पाण्डेले नयाँ शाखा शुभारम्भ गरे । अध्यक्ष पाण्डेले ग्राहकहरुलाई सर्वसुलभ र सुरक्षित बैंकिङ्ग सेवा पुर्याउँदै ग्राहकको विश्वास र समर्थन जित्ने विस्वास व्यक्त गरे । नयाँ शाखा सञ्चालनमा आएसँगै हरिसिद्धी वरपरका ग्राहकहरूलाई पहिलो रोजाइको बैंक बनेर सुरक्षित र गुणस्तरीय सेवा प्रदान गर्न शाखाका कर्मचारीहरूलाई अध्यक्ष पाण्डेले आग्रह गरे ।
सुविधा सम्पन्न शाखा मार्फत ग्राहकहरुको वित्तीय आवश्यकता पुरा गर्न आवश्यक सम्पूर्ण रिटेल बैंकिङ्ग सेवा प्रदान गर्नुका साथै साना तथा मझौला व्यवसायीहरु माझ वित्तीय पहुँच पुर्याउँदै लक्ष्य बैंकले राखेको जनाएको छ । बैंकले नयाँ शाखा संचालनको अवसरमा यो शाखामा खाता खोल्दा कर्पोरेट मोबाइल बैंकिङ्ग र इन्टरनेट बैंकिङ्ग जस्ता सेवाहरु पहिलो वर्ष निशुुल्क गर्ने जनाएको छ । यस्तै, डिम्याट खाता खोल्दा लाग्ने शुल्कमा समेत एक वर्ष सम्म छुटको व्यवस्था रहेको छ । लकर सुविधा लिँदा लकर अनिवार्य मौज्दातमा २५ प्रतिशत र लकर शुुल्कमा ५० प्रतिशत छुट उपलब्ध गराएको उल्लेख छ।
बैंकले ६० जिल्लामा फैलिएका आफ्ना १९९ वटा शाखा, १६४ वटा एटिएम, ३ विस्तारित काउन्टर र ७४ वटा शाखा रहित बैंकिङ्ग ईकाइहरुबाट १८ लाख ५० हजार ग्राहकवर्गलाई बैंकिङ्ग सेवाहरु प्रदान गर्दै आएको छ ।
प्रतिक्रिया दिनुहोस्