कर्पोरेट समाचार 
काठमाडौं । एनआइसी एसिया लघुवित्तले आगामी चैत ८ गते वार्षिक साधारणसभा बोलाएको छ । साधारण सभा गोर्खा होटल चतरा लाईन, धरान सुनसरीमा बिहान ९ बजेबाट सुरु हुनेछ । कम्पनीले यो वर्ष लाभांश प्रस्ताव नगर्ने उल्लेख गरेको छ ।
सभामा गत आर्थिक वर्षको वार्षिक प्रतिवेदन, नाफा नोक्सान, नगद प्रवाहलगायतक आर्थिक र प्रशासनिक दस्तावेजमाथि छलफल हुनेछ । साथै, आर्थिक वर्ष २०८१/८२ का लागि लेखापरीक्षक नियुक्ति गरी निजको पारिश्रमिक निर्धारण गर्ने एजेन्डा पनि सभामा प्रवेश गर्नेछ ।
कम्पनीले फागुन २८ गतेदेखि बुक क्लोज गर्ने जनाएको छ । फागुन २७ गतेसम्म कायम सेयरधनीले सभामा सहभागिता जनाउन सक्नेछन् ।
प्रतिक्रिया दिनुहोस्