काठमाडौं । व्यवसायी कृष्ण प्रसाद दुलाल नेपाल उद्योग वाणिज्य महासंघ को कार्यकारिणी सदस्यमा मनोनित भएका छन्। महासंघका अध्यक्ष चन्द्र प्रसाद ढकाल ले बिहीबार दुलाललाई प्रमाणपत्र हस्तान्तरण गरेका हुन्।
दुलाल नेपालका प्रतिष्ठित व्यवसायी हुन्। उनी नाडा अटोमोबाइल एसोसिएसन अफ नेपालका पूर्व अध्यक्ष तथा महासंघको राजस्व उपसमितिका उपसभापति समेत रहेका छन्। व्यवसायिक क्षेत्रमा उनको लामो अनुभवलाई मध्यनजर गर्दै महासंघले उनलाई कार्यकारिणी समितिमा समावेश गरेको हो।
उनको मनोनयनसँगै महासंघको नेतृत्व झन् बलियो बन्ने विश्वास गरिएको छ। उद्योग तथा व्यापार क्षेत्रको विकास, नीतिगत सुधार र व्यवसायमैत्री वातावरण निर्माणमा उनको महत्वपूर्ण योगदान रहने अपेक्षा गरिएको छ।
प्रतिक्रिया दिनुहोस्