विदेशी मुद्रा सञ्चिति २३ खर्ब ६९ अर्ब नाघ्यो, १७ महिनाको आयात धान्न पुग्ने

काठमाडौं ।  देशमा विदेशी मुद्रा सञ्चिति दर बढ्ने क्रमले निरन्तरता पाएको छ ।

विज्ञापन

राष्ट्र बैंकले सार्वजनिक गरेको तथ्यांक अनुसार माघ मसान्तसम्म विदेशी मुद्रा सञ्चिति रकम २३ खर्ब ६९ अर्ब ८ करोड रुपैयाँ बराबर पुगेको छ । सञ्चित भएको यो विदेशी मुद्रा हालसम्मकै उच्च हो । सात महिनामा विदेशी मुद्रा सञ्चिति १६.१ प्रतिशतले बढेको राष्ट्र बैंकले उल्लेख गरेको छ ।

अमेरिकी डलरमा सोही अवधिमा मुद्रा सञ्चिति ११.७ प्रतिशत बढेर १७ अर्ब ५ करोड पुगेको छ ।

आर्थिक वर्ष २०८१/८२ को सात महिनाको आयातलाई आधार मान्दा बैकिङ्ग क्षेत्रसँग रहेको विदेशी विनिमय सञ्चितिबाट १७.२ महिनाको वस्तु आयात र १४.४ महिनाको वस्तु तथा सेवा आयात धान्न पुग्ने देखिन्छ ।

यस्तै, माघ मसान्तमा विदेशी विनिमय सञ्चितिको कुल गार्हस्थ्य उत्पादन, कुल आयात र विस्तृत मुद्राप्रदायसँगका अनुपातहरु क्रमशः ४१.५ प्रतिशत, १२०.३ प्रतिशत र ३२.५ प्रतिशत रहेका छन् ।