काठमाडौं । समृद्धि फाइनान्सको प्रमुख कार्यकारी अधिकृत (सीईओ) मा सन्तोषकुमार घिमिरे नियुक्त भएका छन् । निवर्तमान सिईओ टीकानिधि लोहनी संस्थाबाट बाहिरिएसँगै फाइनान्सले घिमिरेलाई नियुक्त गरेको हो ।
फाइनान्सको सञ्चालक समितिको बैठकले बिहीबार (फागुन २९ गते) देखि लागू हुनेगरी लोहनीको राजीनामा स्वीकृत गरेको जनाएको छ ।
लोहनीले व्यक्तिगत कारणले राजीनामा दिएको बताएका छन् । उनले भनेका छन्, समृद्धि फाइनान्सको सीईओ पदबाट अवकाश लिएको छु। चार वर्षसम्म अध्यक्ष र चार वर्षसम्म सीईओको रूपमा काम गर्दा मलाई सहयोग गर्नुहुने शेयरधनि, सञ्चालन समिति, नेपाल राष्ट्र बैंक लगायत नियामक निकाय, सञ्चार जगत, कर्मचारी साथीहरू, ग्राहकवर्ग र सबै शुभचिन्तकहरूलाई धन्यवाद ।’
फाइनान्सको बुधबार बसेको बैठकले आगामी वैशाख १ गतेदेखि लागू हुनेगरी घिमिरेलाई ४ वर्षका लागि सीईओ नियुक्त गर्ने निर्णय गरेको जनाएको छ।
यस्तै, फाइनान्सका नायब महाप्रबन्धक विनोदराज पौडेलले चैत महिनाभरि कामु सीईओको जिम्मेवारी सम्हाल्ने छन् ।
प्रतिक्रिया दिनुहोस्