कर्पोरेट समाचार 
काठमाडौं । हिम स्टार ऊर्जा कम्पनी लिमिटेडले साधारण शेयर (आईपीओ) निष्काशन गर्ने भएको छ । कम्पनीले यहि जेठ ३० गतेदेखि ११ लाख बढी कित्ता आईपीओ निष्काशन गर्न लागेको हो ।
कम्पनीले जारी पूँजी ३७ करोड ३० लाख रुपैयाँको ३० प्रतिशत (११ करोड १९ लाख रुपैयाँ) बराबरको आईपीयो निस्काशन गर्ने जनाएको छ । ११ लाख १९ हजार कित्ता शेयर निष्काशन गर्न लागेको हिम स्टारले पहिलो चरणमा आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि आईपीओ खुला गर्दैछ ।
कम्पनीले १ लाख ८६ हजार ५०० कित्ता आईपीओ आयोजना प्रभावित क्षेत्रका स्थानीय बासिन्दाहरूका लागि निष्काशन गर्ने जनाएको छ । यस्तै, ९३ हजार २५० कित्ता शेयर वैदेशिक रोजगारीमा रहेका नेपालीहरूका लागि छुट्याइएको छ ।
बाँकी ९३ लाख २५ हजार रुपैयाँ बराबरको शेयर सर्वसाधारणका लागि निष्काशन गरिने कम्पनीको भनाइ छ । शेयरमूल्य प्रतिकित्ता एक सय रुपैयाँ तोकिएको छ । कम्पनीका अनुसार यो आईपीओमा न्यूनतम १० कित्तादेखि अधिकतममा १० हजार कित्ताका लागि आवेदन दिन सकिने छ ।
प्रतिक्रिया दिनुहोस्