कर्पोरेट समाचार 
एजेन्सि । अमेरिकी राष्ट्रपति डोनाल्ड ट्रम्पले आइतबार इरानलाई कडा चेतावनी दिइका छन् । राष्ट्रपति ट्रम्पले यदि इरानले संयुक्त राज्य अमेरिकामाथि आक्रमण गरे इरानले अमेरिकी सेनाको ‘पूर्ण शक्ति’ भोग्नुपर्ने कडा चेतावनी दिएका हुन् ।
तेहरानका आणविक र गुप्तचर सुविधाहरूमाथि इजरायलको आक्रमणमा वासिङ्टनको ‘कुनै संलग्नता नरहेको’ भनाई ट्रम्पको छ । तेहरानका अनुसार शुक्रबार बिहान सुरु भएको इजरायलको अपरेसनले इरानी आणविक र सैन्य ठाउँहरूलाई निशाना बनाएको छ र यसमा शीर्ष सेना कमाण्डर र आणविक वैज्ञानिकहरूसहित दर्जनौँको मृत्यु भएको छ ।
इजरायली प्रधानमन्त्री बेन्जामिन नेतन्याहुले ‘आयातोल्लाह शासनको हरेक लक्ष्य’ मा आक्रमण गर्ने चेतावनी दिएका छन् । ट्रम्पले अमेरिकाले इजरायललाई साथ नदिएको दाबी गरिरहँदा इजरायली अपरेसन सुरु हुनुअघि नै आफूलाई यसको जानकारी रहेको बताएका थिए । तर, इजरायललाई अमेरिकाले इरानमा आक्रमण गर्नुपूर्व गुप्त रुपमा अत्याधुनिक मिसाइलहरु उपलब्ध गराएको अमेरिकी मिडियाले बताएका छन् । अमेरिकाले आफ्ना प्रतिनिधिहरुलाई घटना हुनुपूर्व नै फिर्ता बोलाउनुले पनि इरानविरुद्ध इजरायलले गरेको आक्रमणमा अमेरिकाको सहयोग रहेको प्रस्ट पारेको छ ।
तर, अमेरिकाले यसलाई पूर्ण अस्वीकार गरेको छ । आइतबार बिहान आफ्नो ट्रुथ सोसल प्लेटफर्ममा ट्रम्पले भनेका छन्, ‘आज राति इरानमाथिको आक्रमणमा कुनै संलग्नता छैन’ उनले दोहोर्याए । यसैगरी, इरानले शुक्रबारको हमलापछि इजरायल र अमेरिका दुवैले त्यसको मूल्य चुकाउनुपर्ने चेतावनी दिएपछि ट्रम्पले अमेरिकामाथि इरानले आक्रमण गरे आफूहरु पूर्ण सैन्य शक्तिद्वारा आक्रमण गर्ने बताएका छन् । उनले इरानले अमेरिकाले इरानले कहिल्यै नदेखेको पूर्ण सैन्य शक्तिको सामना गर्नुपर्ने कडा चेतावनी दिए ।
“यदि इरानले हामीमाथि कुनै पनि रूपमा आक्रमण ग¥यो भने अमेरिकी सशस्त्र बलको पूर्ण शक्ति र बल तपाईंमाथि यस्तो स्तरमा आइपर्नेछ जुन पहिले कहिल्यै देखिएको छैन”, ट्रम्पले भनेका छन् । यस्तै उनले इरान र इजरायलबीचको द्वन्द्व सजिलै अमेरिकाले रोक्न सक्ने जिकीर गरे । ट्रम्पले भने, “हामी इरान र इजरायलबीच सजिलै सम्झौता गराउन सक्छौँ र यो रक्तपातपूर्ण द्वन्द्व अन्त्य गर्न सक्छौँ १११”
ट्रम्पले शुक्रबार तेहरानलाई सम्झौता गर्न वा इजरायलबाट ‘अझ क्रूर’ आक्रमणको सामना गर्न आग्रह गरेका थिए ।
आफ्नो पहिलो कार्यकालमा ट्रम्पले एकपक्षीय रूपमा संयुक्त राज्य अमेरिकालाई फिर्ता लिएपछि इरानसँगको ऐतिहासिक आणविक सम्झौता २०१८ मा ध्वस्त भएको थियो । उनले इरानमाथि पुनःप्रतिबन्धहरू लगाइका थिए । इरानसँग आणविक सम्झौता पूर्वराष्ट्रपति बराक ओबामाको नेतृत्वमा भएको वार्तामार्फत भएको थियो ।
प्रतिक्रिया दिनुहोस्