एजेन्सी । ओन्टारियो प्रान्तले तीन अमेरिकी राज्यमा विद्युत् अतिरिक्त भन्सार लगाएपछि अमेरिकी राष्ट्रपति डोनाल्ड ट्रम्पले क्यानाडालाई ‘भन्सार शुल्क दुरुपयोगकर्ता’ भन्दै संयुक्त राज्य अमेरिकालाई क्यानाडाको ऊर्जाको आवश्यकता नभएको दाबी गरेका छन् ।
क्यानाडाको सबैभन्दा धेरै जनसङ्ख्या भएको प्रान्त ओन्टारियोका नेताले सोमबार मिशिगन, मिनेसोटा र न्युयोर्कमा विद्युत् निर्यातमा २५ प्रतिशत अतिरिक्त भन्सार शुल्क थप्न लागेको बताएपछि ट्रम्पको उक्त भनाई सार्वजनिक भएको हो । ओन्टारियोले यी तीन राज्यमा १५ लाख घर र व्यवसायहरूलाई विद्युत आपूर्ति गर्छ ।
“ओन्टारियोले अहिले ‘विद्युत्’ मा, सबै कुरामा २५ प्रतिशत अतिरिक्त भन्सार शुल्क घोषणा गर्यो”, प्रान्तलाई ‘त्यसो गर्न अनुमति नै थिएन ।’ ट्रम्पले आफ्नो ट्रुथ सोसल प्लेटफर्ममा भने, “क्यानाडा भन्सार दुरुपयोगकर्ता हो र सधैँ रहिआएको छ, तर संयुक्त राज्य अमेरिकाले अब क्यानाडालाई अनुदान दिने छैन, हामीलाई तिमीहरूको कारहरू चाहिँदैन, हामीलाई तिमीहरूको काठ चाहिँदैन, हामीलाई तिमीहरूको ऊर्जा चाहिँदैन, र चाँडै नै, तिमीहरूले त्यो थाहा पाउनेछौ ।”
कथित व्यापार असन्तुलनलाई सुधार्न खोज्दै ट्रम्पले अप्रिल २ देखि सबै देशमा ‘पारस्परिक’ भन्सार शुल्क लगाउने बताउँदै आएका छन् ।
उनले भनेका छन्, “किनभने हाम्रो भन्सार शुल्कहरू पारस्परिक छन्, हामी अप्रिल २ मा सबै फिर्ता पाउनेछौँ ।”
प्रतिक्रिया दिनुहोस्