काठमाडौं । नेपाल इटाली उद्योग वाणिज्य संघ ले नवनिर्वाचित सांसद बसुमाया तामाङ लाई एक कार्यक्रमबीच सम्मान गरेको छ।
अध्यक्ष संजय अग्रवालको नेतृत्वमा आयोजना गरिएको उक्त कार्यक्रम सिद्धार्थ वनस्थली इन्स्टिच्युटमा सम्पन्न भएको थियो, जहाँ संघका बोर्ड सदस्यहरूको उपस्थिति रहेको थियो।
सांसद तामाङ संघकी सक्रिय सदस्य समेत भएकीले उनको निर्वाचनलाई सार्वजनिक सेवा तथा समावेशी विकासप्रतिको निरन्तर प्रतिबद्धताको प्रतीकका रूपमा व्याख्या गरिएको छ। संघले उनलाई बधाई दिँदै नयाँ भूमिकामा प्रभावकारी योगदान दिने विश्वास व्यक्त गरेको छ।
कार्यक्रम सफल बनाउन भूमिका खेलेका वरिष्ठ उपाध्यक्ष रुपक राजवंशी र कार्यकारी बोर्ड सदस्य सुनिता सिंहप्रति संघले आभार व्यक्त गरेको छ।
प्रतिक्रिया दिनुहोस्