काठमाडौं। सरकारले एसियाली विकास बैंक (एडीबी) बाट सवा १७ अर्ब रुपैयाँ ऋण लिने भएको छ।
सरकारले इन्टिग्रेटेड वाटर सप्लाइ एन्ड सेभरेज म्यानेजमेन्ट सेक्टर प्रोजेक्टका लागि एसियाली विकास बैंकबाट ११५ मिलियन अमेरिकी डलर अर्थात १७ अर्ब २५ करोड रुपैयाँ सहुलियतपूर्ण ऋण लिने भएको हो।
ऋण सहायतासम्बन्धी वित्तीय दस्तावेजलाई अन्तिम रुप दिन बिहीबार बसेको मन्त्रिपरिषद् बैठकले वार्ता टोली गठन गरेको छ।
सरकारका प्रवक्ता सस्तिम पोखरेलका अनुसार अर्थ मन्त्रालयका सहसचिवको नेतृत्वमा वार्ता टोली गठन गरिएको हो।
प्रतिक्रिया दिनुहोस्