कर्पोरेट समाचार 
काठमाडौं । नेपाल बैंक लिमिटेड र राष्ट्रिय बीमा कम्पनी लिमिटेडबीच कर्मचारीलाई कर्जा सेवा उपलब्ध गराउने गरी सम्झौता भएको छ ।
सम्झौता बमोजिम राष्ट्रिय बीमा कम्पनीमा कार्यरत स्थायी कर्मचारीहरूले अब नेपाल बैंकको काठमाडौं बैंकिङ अफिस शाखाबाट व्यक्तिगत १५ लाख रुपैयाँसम्म विनाधितो सेवाग्राही कर्जा पाउनेछन् ।
सम्झौता पत्रमा नेपाल बैंकको तर्फबाट रिटेल कर्जा प्रमुख, अर्जुन बहादुर कंडेल र राष्ट्रिय बीमा कम्पनीको तर्फबाट मुख्य व्यवस्थापक, डा सृजना पन्तले बुधबार हस्ताक्षर गरेका हुन् ।
यस सम्झौताबाट कर्मचारीहरूको वित्तीय आवश्यकता एकै थलोबाट छिटो–छरितो रूपमा पुरा गर्ने र दुई सरकारी संस्थाहरूबीचको सम्बन्धलाई थप मजबुत बनाउने अपेक्षा गरिएको छ।
प्रतिक्रिया दिनुहोस्