काठमाडौँ । लीपमोटरले स्मार्ट ड्राइभिङ प्रविधिसहितको नयाँ विद्युतीय सवारी (ईभी) सार्वजनिक गरेको छ । मंगलबार सार्वजनिक गरेको सवारीको मूल्य १ लाख ५० हजार युआन (२०,५३५ डलर) भन्दा कम राखिएको छ ।
यो घोषणा बीवाईडीले यस्ता स्मार्ट ईभीको मूल्य घटाएको भोलिपल्ट गरिएको छ । लीपमोटरले आफ्नो बी टेन मोडेलको गाडी प्रारम्भिक बिक्री मार्च १० देखि सुरू गर्ने जनाएको छ । यो कम्पनीको पहिलो ईभी हो, जुन लिडार (एउटा दूरसंवेदन प्रविधि जसले लेजर प्रयोग गरेर दूरी मापन गर्छ र पृथ्वीको सतहको थ्रीडी मोडेल सिर्जना गर्छ) र सहरी ट्राफिक स्मार्ट ड्राइभिङ क्षमतासहित आउनेछ ।
चीनको बीवाईडीले सोमबार अधिकांश मोडेलहरूमा उन्नत स्वचालित ड्राइभिङ सुविधाहरू समावेश गर्ने घोषणा गरेको थियो । जसमा केही मोडेलहरूको मूल्य ९ हजार ५ सय ५५ जति कम गरिएको छ । बीवाईडीको यो रणनीतिले टेस्लाजस्ता ठूला प्रतिस्पर्धीहरूलाई चुनौती दिनेछ र ईभी बजारमा नयाँ मूल्य युद्ध सुरु गर्ने आँकलन गरिएको छ ।
लीपमोटर स्टेलान्टिसको चिनियाँ साझेदार हो ।
प्रतिक्रिया दिनुहोस्