काठमाडौं । राष्ट्रिय योजना आयोगले आगामी आर्थिक वर्ष २०८२/८३ का लागि १९ खर्ब रुपैयाँको बजेट सिलिङ बुझाएको छ ।
आयोगले आर्थिक वर्ष २०८२/८३ को आयोजना तथा कार्यक्रम प्रस्ताव गर्नेसम्बन्धी मार्ग दर्शन मंगलबार अर्थ मन्त्रालयमा पेस गरेको हो ।
अर्थ मन्त्रालयका प्रवक्ता श्यामप्रसाद भण्डारीका अनुसार आयोगले १९ खर्ब रुपैयाँको बजेट सिलिङ तोकेर मन्त्रालयमा विवरण बुझाएको छ। आयोगले बुझाएको सिलिङमा आगामी आर्थिक वर्षको बजेट निर्माण हुनेछ । यस्तै, आयोगले अर्थ मन्त्रालयमा राष्ट्रिय स्रोतको प्रारम्भिक अनुमान तथा खर्च सीमा निर्धारणसम्बन्धी प्रतिवेदन २०८१ समेत पेस गरेको छ ।
प्रतिक्रिया दिनुहोस्