काठमाडौं । काठमाडौं महानगरपालिकाका प्रमुख बालेन साहले निर्माणाधीन काठमाडौं टावर परियोजनाबारे महानगर गलत सावित भए आफूलाई जेल हाल्न संघीय सरकारलाई चुनौती दिएका छन्।
मंगलबार सामाजिक सञ्जालमा महानगर प्रमुख साहले कानून मिच्ने भ्रष्टाचारीलाई सरकारले नै संरक्षण गरेको र आफूले उठाएका कुरा गलत भए जेल हाल्न चुनौती दिएका हुन्।
काठमाडौं महानगरपालिका– २८ मा निर्माणाधीन काठमाडौं टावर परियोजनाबारे विभिन्न ६ पृष्ठको आदेश सार्वजनिक गर्दै उनले लेखेका छन्, ‘यति धेरै कानुन मिच्ने भ्रष्टाचारीलाई बचाउने सरकार, अनि हामी सुशासनको कुरा चाहिँ भाषणमा सुन्नु पर्ने?’
उनले आफूले उठाएका कुरा गलत भए जेल हाल्न भनेका छन्। ‘माथीको कुरा गलत भए मलाइ जेल हाल ।’
प्रतिक्रिया दिनुहोस्