काठमाडौं । नेपालको पहिलो शतप्रतिशत विद्युतीय पिकअप ‘रिडारा’ नेपाली बजारमा सार्वजनिक गरिएको छ ।
नेपालमा ‘रिडारा’ को आधिकारिक वितरक सिजी मोटर्सले सोमबार एक कार्यक्रमकाबीच उक्त पिकअप सार्वजनिक गरेको हो । यससँगै सिजी मोटर्सले नेपालको दिगो तथा विद्युतीय यातायातको दिशामा ऐतिहासिक कदम अगाडी बढाएको दाबी गरेको छ । अत्याधुनिक प्रविधि र उत्कृष्ट कार्यक्षमताका साथ डिजाइन गरिएको ‘रिडारा’ले ईभी पिकअप सेग्मेन्टमा नयाँस्तर स्थापित गर्ने कम्पनीले जनाएको छ ।
‘रिडारा’मा ४२४ किलोमिटरको उत्कृष्ट रेञ्ज र ७३ किलोवाट क्षमताको ब्याट्रि रहेको छ । नेपालको भौगोलिक अवस्थिति र सडक पूर्वाधारलाई मध्यनजर गर्दै रिडारामा स्यान्ड, मड, अफरोड, वेडिङ, इकोनोमी, कम्फर्ट र स्पोर्ट फोर ह्विल ड्राइभ गरी विभिन्न ७ फरक ड्राइभिङ मोड राखिएको कम्पनीको भनाई छ । यसमा उपलब्ध ५४० डिग्री सराउन्ड भ्यु क्यामेरा प्रणालीका कारण सवारी सुरक्षालाई थप मजबुत बनाउँछ। जसले सबै प्रकारका सडकमा सहज र सुरक्षित सवारी सुनिश्चित गर्छ ।
‘रिडारा’ अहिले प्रारम्भिक मूल्य ७९ लाख ९९ हजार रुपैयाँमा उपलब्ध छ । जसले यसको उत्कृष्ट विशेषताहरू र वातावरणमैत्री प्रविधिलाई अझ मूल्यवान बनाउनले कम्पनीले जनाएको छ ।
प्रतिक्रिया दिनुहोस्