कर्पोरेट समाचार 
काठमाडौं । स्थानीय बजारमा सुनको भाउ एकैदिन तोलामा ५ हजार ७०० रुपैयाँले बढेर पुराना रेकर्ड ब्रेक गरेको छ ।
नेपाल सुन चाँदी व्यवसायी महासंघका अनुसार आज ५ हजार ७०० रुपैयाँले बढेर सुन प्रतितोला १ लाख ८१ हजार १०० रुपैयाँको नयाँ रेकर्ड कायम भएको हो। बधुबार २ हजार रुपैयाँले बढेर प्रतितोला सुनको मूल्य १ लाख ७५ हजार ४०० रुपैयाँमा कारोबार भएको थियो।
यसअघि चैत्र २१ गते सुनको मूल्य प्रतितोला १ लाख ८० हजार ३०० पुगेर ऐतिहासिक रेकर्ड बनाएको थियो। त्यसपछि क्रमश घट्दै गएको सुन आज एकैदिन ५७ सय रुपैयाँले उकालो लागेको छ ।
सुनको मूल्य बढेसँगै चाँदीको भाउ पनि वृद्धि भएको छ। आज चाँदी तोलाको १९ सय रुपैयाँमा कारोबार भइरहेको महासंघले जनाएको छ। बुधबार चाँदीको मूल्य प्रतितोला १८ सय ३५ रुपैयाँमा कारोबार भएको थियो।
प्रतिक्रिया दिनुहोस्