काठमाडाैं । नेपाल राष्ट्र बैंकले बैंकिङ्ग प्रणालीमा रहेको तरलता व्यवस्थापन गर्न आज ३५ अर्ब रुपैयाँ तान्न लागेको छ। केन्द्रीय बैंकले दिउँसो ३ बजे बोलकबोल प्रक्रियामार्फत निक्षेप संकलन गर्न लागेको जानकारी दिएको छ।
निक्षेप संकलनमा सहभागी हुन चाहने बैंक तथा वित्तीय संस्थाहरूले न्यूनतम १० करोड रुपैयाँदेखि अधिकतम ५ करोड रुपैयाँको गुणफलमा प्रस्ताव पेश गर्न सक्नेछन्। बोलकबोल बहु ब्याजदरमा गरिनेछ र बहु बोलकबोल पेश गर्न मिल्ने व्यवस्था गरिएको छ।
राष्ट्र बैंकका अनुसार यो २१ दिने निक्षेप संकलन उपकरण हो, जसको साँवा र ब्याज वैशाख ३१ गते भुक्तानी गरिनेछ। यस प्रक्रियामा ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन पाउनेछन्। वैशाख महिनामा यो तेस्रो पटक राष्ट्र बैंकले तरलता तानेको हो। यसअघि वैशाख ३ गते र ७ गते गरी कुल ३० अर्ब रुपैयाँ बैंकिङ्ग प्रणालीबाट तानिएको थियो। केन्द्रीय बैंकको यस्तो कदमले बजारमा देखिएको अतिरिक्त तरलता घटाउने उद्देश्य राखेको बताइएको छ।
प्रतिक्रिया दिनुहोस्