काठमाडौं । साताको तेस्रो कारोबार दिन नेपाली बजारमा सुनको मूल्य १४ सय रुपैयाँले घटेको छ।
नेपाल सुन चाँदी व्यवसायी महासंघका अनुसार मंगलबार एक हजार चार सय रुपैयाँले घटेर सुन प्रतितोला २ लाख ३८ हजार ३०० रुपैयाँ कायम भएको छ।
अघिल्लो कारोबार दिन (सोमबार ) स्थिर रहेको सुनको मूल्य प्रतितोला २ लाख ३९ हजार ७०० रुपैयाँ कायम भएको थियो।
यसैगरी, आज चाँदीको भाउ पनि ४५ रुपैयाँले घटेको छ। आज एक तोला चाँदीको मूल्य ३ हजार १५ रुपैयाँ तोकिएको छ। अघिल्लो दिन सोमबार एक तोला चाँदी ३ हजार ६० रुपैयाँमा कारोबार भएको थियो।
प्रतिक्रिया दिनुहोस्