काठमाडौं । सांग्रिला डेभलपमेन्ट बैंक लिमिटेडले शेयरधनीलाई १०.३५८३ प्रतिशत लाभांश वितरण गर्ने प्रस्ताव पारित गरेको छ। सोमबार काठमाडौंमा सम्पन्न बैंकको २१औं वार्षिक साधारण सभाले उक्त प्रस्ताव पारित गरेको हो ।
सभाले बैंकको हालको चुक्ता पूँजी ३ अर्ब ५५ करोड ६२ लाख ५५ हजार ७ सय १९ रुपैयाँ बराबरको ५.३५८३ प्रतिशत नगद लाभांश (करसहित) तथा ५ प्रतिशत बोनस शेयर वितरण गर्ने निर्णय गरेको छ।
बैंकले नगदतर्फ १९ करोड ५ लाख ५३ हजार ६ सय २६ रुपैयाँ ३० पैसा र बोनस शेयरतर्फ १७ करोड ७८ लाख १२ हजार ७ सय ८५ रुपैयाँ ९८ पैसा बराबरको लाभांश वितरण गर्ने जनाएको छ । प्रस्ताव पारित भएसँगै बैंकको चुक्ता पुँजी ३ अर्ब ७३ करोड ४० लाख ६८ हजार ५ सय ५ रुपैयाँ पुग्नेछ।
साधारण सभाले आर्थिक वर्ष २०८१/८२ को वित्तीय विवरण स्वीकृत गर्नुका साथै लेखा परीक्षकको नियुक्ति, प्रबन्धपत्र संशोधन, मर्जर तथा प्राप्ति सम्बन्धी प्रस्तावहरू पनि पारित गरेको जनाएको छ ।
प्रतिक्रिया दिनुहोस्