काठमाडाैं ।नेपाल बीमा प्राधिकरणको सञ्चालक समिति सदस्य पदमा डा. गणेश प्रसाद पाण्डेय नियुक्त भएका छन् ।
सरकारका पूर्व सचिव पाण्डेयलाई मन्त्री परिषदको शुक्रबारको बैठकले सञ्चालक समिति सदस्य पदमा नियुक्त गर्ने निर्णय गरेको हो । बीमा विज्ञको हैसियतमा नियुक्त गरिएका पाण्डेयको कार्यकाल ४ वर्षको हुनेछ।
पाण्डेय, नेपाल सरकारको अवकाश प्राप्त सचिव हुन् । उनी अर्थमन्त्रालयको प्रतिनिधिको हैसियतमा बीमा प्राधिकरणको सञ्चालक रही सकेका छन् ।
प्राधिकरणको पाँच सदस्यीय सञ्चालक समितिमध्ये पछिल्लो समयमा जम्मा ३ सदस्य रहेकोमा गत महिना सन्तोष रिजालको कार्यकाल गत मंसिर १६ गते पुरा भएपछि जम्मा २ सदस्यमा सीमित हुन पुगेको थियो। दुई जना मात्र सदस्य रहेकाले गत मंसिर १७ गतेयता प्राधिकरणको सञ्चालक समिति बैठक बस्न सकेको थिएन।
प्रतिक्रिया दिनुहोस्