सेलिङ प्रेसरले घट्यो नेप्से, १४ अर्ब माथिको कारोबार

काठमाडाैं ।साताको मंगलबार आइपुग्दा नेप्से परिसूचक ४२.५८ अंकले घटेर २ हजार ७२६.५१ विन्दुमा आइपुगेको छ । नेप्से परिसूचक घट्दा, लगानीकर्ताहरु शेयर विक्रि गर्न थालेका छन् ।

अघिल्लो साता बजार बढ्दा लगानीकर्ता यतिबेला नाफा सुनिश्चित गर्न लागेका छन् । जसको कारण बजारमा तिब्र उत्तार चढाब भइरहेको छ । यो दिन धितोपत्र र ऋणपत्रगरी कारोबारमा आएका ३३३ कम्पनीको ३ करोड २ लाख ६२ हजार कित्ता शेयर किनबेचहुँदा १४ अर्ब १६ करोड रुपैयाँको कारोबार भएको छ ।

सर्वाधिक कारोबार हुने कम्पनीमा राधि विद्युत कम्पनी, एसवाई प्यानेल नेपाल, आँखु खोला जलविद्युत कम्पनी, न्यादी ग्रुप पावरको शेयर मूल्य ३९ करोड रुपैयाँदेखि ५७ करोड ८५ लाख रुपैयाँसम्मको कारोबार भएको छ ।

यो दिन कारोबारमा आएका १३ वटा समूहको सूचकमध्ये सबै समूहको सूचकमा गिरावट आएको छ भने म्यूचुल फण्ड स्थिर छ । फाइनान्स समूहको सूचक २ प्रतिशतभन्दा बढीले घट्दा अन्य समूहको सूचक १ प्रतिशतभन्दा बढीले घटेको छ ।

सप्तकोशी डेभलपमेन्ट बैंक, दरमखोला हाइड्रो इनर्जी लिमिटेड,माया खोला जलविद्युत कम्पनी, कर्पोरेट डेभलपमेन्ट बैंक र सर्पोट माइक्रोफाइनान्स वित्तीय संस्थाको शेयर मूल्य ४.७९ प्रतिशतदेखि ८.५६ प्रतिशतसम्मले बढेको छ ।

दोहोरो अंकसहित उच्च घटेको बजारमा ओम मेगाश्री फर्मासेक्युटिल्स, ट्रेड टावर, झापा इनर्जीको शेयर मूल्य ६.२५ प्रतिशतदेखि ६.९३ प्रतिशतसम्मले घटेको छ।

प्रतिक्रिया दिनुहोस्