काठमाडौं । प्रधानमन्त्री बालेन्द्र शाह (बालेन) ले आज दिउँसो साढे १२ बजेका लागि मन्त्रिपरिषद्को आकस्मिक बैठक बोलाएका छन् ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्ने बैठकले केही महत्त्वपूर्ण प्रशासनिक निर्णय गर्ने बुझिएको छ। सरकारका प्रवक्ता एवं शिक्षामन्त्री सस्मित पोखरेलका अनुसार नियमित कार्यसूची सोमबार र बिहीबार भएपनि केही अत्यावश्यक नियुक्तिका विषयमा छलफल गर्न प्रधानमन्त्रीले आजै बैठक बोलाएका हुन् ।
स्रोतका अनुसार आजको बैठकले मुख्य गरी नेपाल राष्ट्र बैंकको रिक्त दुई डेपुटी गभर्नरहरूको नियुक्ति गर्न सक्ने सम्भावना बलियो रहेको छ । गभर्नर डा. विश्व पौडेलले अर्थमन्त्री डा. स्वर्णिम वाग्लेसमक्ष सम्भावित उम्मेदवारहरूको नाम बुझाइसकेकाले सम्भवतः आजै अर्थमन्त्री वाग्लेले डेपुटी गभर्नरको नाम मन्त्रिपरिषद्मा प्रस्ताव गरेर मन्त्रिपरिषद्बाट अनुमोदन हुने बुझिएको छ ।
प्रतिक्रिया दिनुहोस्