काठमाडौं। कुमारी बैंक लिमिटेड र ग्वार्को, ललितपुरस्थित बी एण्ड बी अस्पताल प्रा.लि.बीच बैंकका ग्राहकहरूलाई विशेष छुट प्रदान गर्ने सम्झौता भएको छ।
यस सम्झौता अनुसार कुमारी बैंकका ग्राहकहरूले अस्पतालबाट प्राप्त गर्ने इनपेसेन्ट, आउटपेसेन्ट, आकस्मिक सेवा तथा औषधिहरूमा १० प्रतिशतसम्मको विशेष छुट पाउनेछन् ।
विगत २५ वर्षदेखि बैंकिङ्ग सेवा प्रदान गर्दै आएको कुमारी बैंकले देशभर रहेका आफ्ना २८६ शाखा, ३०४ एटिएम, ४१ एक्सटेन्सन काउन्टर र ४८ शाखारहित बैंकिङ्ग ईकाईहरू मार्फत सेवा दिँदै आएको छ।
ग्राहकको स्वास्थ्य सुरक्षालाई संस्थागत जिम्मेवारीका रूपमा लिँदै बैंकले आगामी दिनमा अझ व्यापक र सुलभ सेवाहरू सुनिश्चित गर्ने अठोट व्यक्त गरेको छ।
प्रतिक्रिया दिनुहोस्