काठमाडौं । महाशिवरात्री २०८१ को अवसरमा चन्द्रागिरी भालेश्वर महादेव मन्दिर परिसरमा महाशिवरात्री विशेष उत्सव आयोजना हुने भएको छ ।
फागुन १४ गते बुधबार पर्न गएको महाशिवरात्रीमा चन्द्रागिरीमा अवस्थित भालेश्वर महादेवको दर्शन र आरती हेर्न जाने भक्तजनलाई चन्द्रागिरी हिल्सले केबलकारको टिकटमा ५० प्रतिशत छुट दिन लागेको जनाएको छ ।
महाशिवरात्रिको पुरै दिन भालेश्वर मन्दिर परिसरमा विशेष भक्तिमय भजन कार्यक्रम संचालन गरिने जनाइएको छ । उक्त दिन साँझ ५ बजेपछि विशेष महाआरती हुने भएकाले चन्द्रागिरी हिल्सले महाआरतीलाई लक्षित गर्दै साँझ ४ बजेदेखि ६ बजेसम्मको केबलकार टिकटमा ५० प्रतिशत छुट प्रदान गर्ने जनाएको छ ।
प्रतिक्रिया दिनुहोस्