कर्पोरेट समाचार 
काठमाडौं । मंगलबारदेखि पोखरा अन्तर्राष्ट्रिय विमानस्थलबाट चिनियाँ वायुसेवा कम्पनी सिचुआन एयरलाइन्सले नियमित चार्टर उडान थालेको छ ।
आज बिहान पहिलो उडानको जहाज पोखरा अन्तर्राष्ट्रिय विमानस्थलमा अवतरण गरेको हो ।
छेन्दुबाट आएको यो जहाजले १ सय २८ यात्रु पोखरा ओरालेको छ । यस्तै पोखराबाट १ सय २० यात्रु सोही उडानबाट छेन्दु जाने नेपालस्थित चिनियाँ दूतावासले जनाएको छ ।
पोखरा विमानस्थल निर्माण पछि केही चार्टर उडान भए पनि नियमित उडान सुरु हुन सकेको थिएन । अब सिचुआनले नियमित चार्टर उडान गर्ने भएसँगै नेपाल घुम्न आउने चिनियाँ पर्यटकले सिधै पोखरा जान सक्नेछन् ।
यो संगै पोखराको पर्यटन प्रबद्र्धन र व्यवसायमा थप राहत पुग्ने पर्यटन व्यवसायीको अपेक्षा छ ।
प्रतिक्रिया दिनुहोस्