नयाँ वर्षलाई शेयर बजारको स्वागत, २७ अंकले बढ्दा कारोबार रकम पनि बढ्यो

काठमाडाैं। साताको दोस्रो र नयाँ वर्षको पहिलो कारोबार दिन मंगलबार नेप्से परिसूचक २७.१४ अंकले बढेर २ हजार ६८९.२२ विन्दुमा आइपुगेको छ । नेप्से परिसूचक बढ्दा कारोबार रकम पनि बढेको छ । यो दिन ८ अर्ब ५४ करोड रुपैयाँको कारोबार भएको छ । यो दिन विकास बैंक तर्फ लगानीकर्ता झुम्मिएका छन् । यो समूहको सूचक २.४० प्रतिशतले बढेको छ भने १२ वटै समूहको सूचक हरियाली बनेका छन् । विकास बैंक समूहपछि, फाइनान्स, होटल तथा पर्यटन, लगानीगत समूहको सूचक उल्लेख बढेका छन् ।

यो दिन बलेफी हाइड्रो पावर, एनआरएन इन्फाष्ट्रचर एण्ड बैंकको सर्वाधिक कारोबार भएको छ । बलेफी हाइड्रो पावर कम्पनीको एकैदिन २ अर्ब माथिको कारोबार भएको छ। यो दिन कर्पोरेट डेभलपमेन्ट, ग्र्रीन डेभलपमेन्ट,सप्तकोशी डेभलपमेन्टको शेयर मूल्यमा १० प्रतिशतले बढेर सकारात्मक सर्किट लागेको छ । सर्वाधिक घट्ने कम्पनीमा बलेफी हाइड्रो पावर कम्पनीको १० प्रतिशतले घटेर नकारात्मक सर्किट लागेको छ । त्यस्तै,वेन नेपाल लघुवित्त, आत्मनिर्भर लघुवित्तको शेयर मूल्य घटेका छन् ।

प्रतिक्रिया दिनुहोस्